УБЕГ-ын 2025 оны 06 сарын 25 -ны өдрийн 1/8305 тоот зөвлөмжийн хүрээнд иргэний улсын бүртгэлийн тасгаас улсын бүртгэгчдэд чиглэл өгөх сургалтыг цахимаар зохион байгууллаа.

Дэлгэрэнгүй мэдээлэл авах: Улсын бүртгэлийн ерөнхий газар
Дундговь аймгийн улсын бүртгэлийн хэлтэс
Мэдээллийн эх сурвалжийг Мэдээлэл технологийн ажилтан Г.Алтан-Од
Өрөө: 217 тоот
Холбоо барих утас: 89080007
И-мэйл: altan-od@burtgel.gov.mn

Сургалтаар гэрлэлт дуусгавар болсны бүртгэл хөтлөхөд анхаарах асуудлаар улсын ахлах бүртгэгч Б. Сайхантуяа, ''Шүүхийн шийдвэрийн хуулийн хүчин төгөлдөр хугацааг анхаарах асуудлаар хяналтын улсын байцаагч Д. Нямсүрэн нар мэдээлэл өглөө. Гэр бүлийн тухай хууль, Улсын бүртгэлийн ерөнхий хууль, Иргэний улсын бүртгэлийн тухай хууль, Иргэний улсын бүртгэл хөтлөх журам зэрэг холбогдох хууль тогтоомжийг мөрдөж ажиллахаас гадна иргэний улсын бүртгэлийн мэдээллийн сан, архивын санд бүртгэл хийхээс өмнө заавал шалгаж нягтлах, өргөдлийн шаардлагыг хангуулж дэлгэрэнгүй бичүүлж байх, шүүхийн шийдвэрийн хүчин төгөлдөр хугацаа гэдгийг хэрхэн ойлгох, итгэмжлэл болон шүүхийн шийдвэрийн нэхэмжлэлийн шаардлага, тогтоох хэсгийн утга, агуулгыг бүрэн гүйцэт уншиж танилцан үнэн зөв бүртгэл хөтлөхөд анхаарч ажиллах талаар үүрэг даалгавар, мэдээлэл арга зүйн зөвлөмж өглөө.

Сургалтад нийт 12 албан хаагч хамрагдлаа.