Улсын бүртгэлийн ерөнхий газар 2024-2028 онд хэрэгжүүлэх “Шинээр томилогдсон албан хаагчдыг чиглүүлэх, дадлагажуулах сургалтын модуль”-ыг баталж, анхны сургалтыг 2024 оны 12 дугаар сарын 04-ний өдрөөс 12 дугаар сарын 13-ны өдрүүдэд амжилттай зохион байгууллаа.
Тус сургалтын модулийн зорилго нь:
-Мэргэшил, мэдлэг, ур чадвартай хүний нөөцийн залгамж халааг бэлтгэх;
-Улсын бүртгэл хөтлөх үйл ажиллагааны зөрчил, эрсдэлээс урьдчилан сэргийлэх;
- Байгууллагын соёл, үйл ажиллагаа, тогтолцооны хүрээнд мэдлэг олгоход оршиж буй юм.
Сургалтыг онолын мэдлэг олгох, Улсын бүртгэлийн ерөнхий газар, түүний зохион байгуулалтын нэгжийн чиг үүргийг танилцуулах, ажлын байранд бэлтгэх дадлагажуулах гэсэн 3 чиглэлийн дагуу зохион байгуулсан бөгөөд амжилттай суралцсан албан хаагчдад батламж гардуулах арга хэмжээ өнөөдөр /2024.12.13/ болж өндөрлөлөө.
УБЕГ-ын даргын албан үүргийг түр орлон гүйцэтгэгч У.Болдхүү сургалтад хамрагдсан албан хаагчдад батламж гардуулан өгч, “Шинээр томилогдсон албан хаагчдыг чиглүүлэх, дадлагажуулах сургалтын модуль” хөтөлбөрт хамрагдсан албан хаагчдад хандан улсын бүртгэлийн үйлчилгээг иргэн, хуулийн этгээдэд чирэгдэлгүй, хүнд сурталгүй хүргэх, бүртгэлийн болон холбогдох хууль, эрх зүйн актыг чанд мөрдөж ажиллах талаар чиглэл өгөв.
