"НЭЭЛТТЭЙ ДУНДГОВЬ” ХӨРӨНГӨ ОРУУЛАЛТЫН ЧУУЛГА УУЛЗАЛТ МАНДАЛГОВЬ ХОТНОО ЗОХИОН БАЙГУУЛАГДАЖ БАЙНА

Монгол Улсын Засгийн газраас хэрэгжүүлж буй “Шинэ сэргэлтийн бодлого”-ын Хот хөдөөгийн сэргэлтийн хүрээнд аймгийн төвүүдийг бие даасан хот болгон хөгжүүлэх, орон нутаг төсвийн орлогоо бие даан бүрдүүлэх санхүү, эдийн засгийн боломжийг нээх зорилтууд болон Дундговь аймгийн Иргэдийн Төлөөлөгчдийн Хурлаас батлан хэрэгжүүлж буй “Нээлттэй Дундговь” дэд хөтөлбөрийн хүрээнд "Нээлттэй Дундговь" хөрөнгө оруулалтын чуулганыг Монгол Улсын Засгийн газрын Хэрэг эрхлэх газартай хамтран аймгийн Засаг даргын Тамгын газар 06-р сарын 22,23-ны өдрүүдэд Мандалговь хотноо зохион байгуулж байна.

Хөрөнгө оруулалтын чуулганд Улсын бүртгэлийн хэлтсээс 06 сарын 22-ны өдөр Тоон гарын үсэг олголт, Гадаад паспортын захиалга, Бүх төрлийн лавлагаа, иргэний бүртгэлийн үйлчилгээ, Эд хөрөнгийн эрхийн бүртгэлийн үйлчилгээ, Хуулийн этгээдийн бүртгэлийн үйлчилгээ, Гар утсаар бүртгэлийн үйлчилгээ авах зааварчилгаа, хууль эрх зүйн мэдээлэл хүргэж ажиллалаа.