“Нээлттэй хаалганы өдөрлөг”-ийг зохион байгуулагдлаа

САЛХИТЫН УУРХАЙН ХААЛТЫН МЕНЕЖМЕНТИЙН ТӨЛӨВЛӨГӨӨ БОЛОВСРУУЛСАН ҮР ДҮНГ ДУНДГОВЬ АЙМГИЙН ИРГЭДЭД ТАНИЛЦУУЛАХ “НЭЭЛТТЭЙ ХААЛГАНЫ ӨДӨРЛӨГ” 

Уул уурхай, хүнд үйлдвэрийн яам, Байгал орчин, аялал жуулчлалын яамны дэмжлэгтэйгээр Канад улсын Засгийн газрын санхүүжилттэй MERIT төсөл, Эрдэнэс Силвер Ресурс ХХК санаачлан Дундговь аймгийн ЗДТГ-тай хамтран зохион байгуулж буй Салхитын уурхайн хаалтын менежментийн төлөвлөгөө боловсруулсан үр дүнг Дундговь аймгийн иргэдэд танилцуулах “Нээлттэй хаалганы өдөрлөг”-ийг зохион байгуулж байна.

Өдөрлөгийн хүрээнд Салхитын уурхайн хаалтын төлөвлөлтийг иргэдэд мэдээлэх, хэлэлцүүлэх үндсэн арга хэмжээнээс гадна “Эмэгтэйчүүдийн манлайлал, оролцоо” сэдэвчилсэн хэлэлцүүлэг, “ЕБС-ийн төгсөх ангийн сурагчдад мэргэжил сонгох, гадаадад тэтгэлэгтэй суралцах зөвлөгөө”, Урлагийн тоглолт, Эрүүл мэндийн үйлчилгээ, Задгай талбайн кино, “Дундговийнхон дуулж байна” тусгай шагналт чөлөөт уралдаан тэмцээн зэрэг үйл ажиллагаанууд явагдаж байна.

Салхитын уурхай, Мeрит төсөлтэй хамтран Улсын бүртгэлийн хэлтсээс 06 сарын 13-ны өдөр
* Тоон гарын үсэг олголт

* Гадаад паспортын захиалга

* Бүх төрлийн лавлагаа, иргэний бүртгэлийн үйлчилгээ

* Эд хөрөнгийн эрхийн бүртгэлийн үйлчилгээ

* Хуулийн этгээдийн бүртгэлийн үйлчилгээ

* Гар утсаар бүртгэлийн үйлчилгээ авах зааварчилгаа, хууль эрх зүйн мэдээлэл хүргэж ажиллалаа.

Мөн энэ өдөр гэр бүлээ батлуулсан хосуудад Салхитын уурхай, Мeрит төсөлтэй хамтран Улсын бүртгэлийн хэлтсээс бэлэг гардууллаа